Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/314

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

und lehren wie du dich gegen die (so da weder Hauwen nach stechen / sondern allein versetzen vnnd auff das nach Fechten warten) halten jm Vor mit Fechten vnd sie angreiffen solt / zůvor aber ist noch ein stúcklein nótig hieher zůsetzen / welche ich zůuoren verrichten vnnd kurtzlich handeln will / also.

Wie du deinen widerpart mit seinen vngestümpten Háuwen verfehlen lassen / vnd nach fechten solt.

WAnn du jm zůfechten mit gerader Versatzung zů deinem gegenpart ankommen bist / so beib in gerader Versatzung mit außgestreckter Wehr steiff vor dir / vnnd nim wahr wann dein widerfechter mit Hauwen vnd Stechen also vngestúm von beiden seiten auff dich hertringt / so wende jm derselbigen Háuw / Stich ein oder etlich / mit außgestreckter vnd guter versatzung von dir ab / so lang vnd vil biß du vnder des dein gelegenheit ersihest / welche gelegenheit ist wan er am ernstlichsten vnd sichersten mit seinem háuwen herein ficht / Derhalben merck fleissig wann er einen (dir darzu gefelligen hauw herfúrt) do weiche mit deinem vordern rechten Fůß biß zům hindersten / vnd entzucke jm eben in dem sein hauw jetzund treffen sol / dein versatzung vbersich zů dir / gegen der seiten gegen welche er seinen Hauw herfúhret / auff das er mit seinem hauw auff deine versatzung nicht antreffen / sonder hart vor derselbigen dem gach (durch) verfall / vnnd Hauwe jhm behend mit einem weiten zůtrit deines Rechten fůß (ehe dann sein hauw noch recht zůr erden komen) gegen seinem gesicht / Brust oder hand zů / Dises ist ein sehr gut stuck welches du dir durch vebung gemein machen / vnd dem mit fleissigem auffmercken nach forschen solt.