Enseignement brief, et succint sur les portraitz figurez, touchant l’usage, de tout ce qu’un Soldat doibt faire au maniement de la Pique, pour les jeunes Soldatz & inexperimentez, lequel se poursuyt par ordre, & correspondt sur chacune figure.
La Pique.
Ens’exerçeant es Piques, est monstré premierement au Soldat comme estant debout, en ordre, il tiendra bien la Pique devant soy, la conduira contre le poulce, & en trois temps, la portera droite, ou vers hault, savoir est, que (pour la bienfeance) il ne posera point la Pique au dehors, ny au dedens du piedt droit, mais fur la mesme ligne, sans que touttes-fois, il soit tenu, (demeurant deboubt) davoir tousiours le piedt droit avançe, il tiendra le bras non trop esgaré mais quelque peu plié, & la main a la haulteur de la veue.
2. Comme a la premiere reprise, il levera la Pique quelque peu arriere de terre avec la main droite, & l’empoignera soudainement, vers le bas avec la main gauche, laissant dessoubz telle longueur quil y puisse aveindre, ou toucher la reprenant de la main droite, ainsi que se voidt, par ceste figure.
3. A la deuxiesme reprise il levera la Pique, de la main gauche, & l’empoignera promptement, au bout d’en bas avec la main droite.
4. Et a la troisiesme reprise ayant (de la main gauche) porté la Pique, contre le bras droit, il la prendra de la main droite, la rengera contre le mesme bras, & la portera droite ou hault.
5. Comme ayant porté la Pique droite en trois temps, fault quil la remette de mesme en terre, savoir, il laissera couler quelque peu la main droite, vers bas avec la Pique, & la reprendra vers hault pour la premiere fois de la main gauche, comme demonstre la presente figure.
6. Pour faire la deuxiesme reprise, laissera aussi couler la Pique, ensemble avec la main gauche, & de la droite, la reprendra foudainment plus hault, comme l’enseigne ce portrait.
7. A la troisiesme reprise, conduira la Pique, de la main droite seulement, & comme il est dit en la premiere figure, la replantera en terre, & l’a voulant mettre sur l’espaule le sera en trois temps comme s’ensuyt.
8. Pour la premiere reprise, ayant la Pique en la main droite contre le poulce, la laissera quelque peu tomber en arriere, & soudainemēt l’empoignera à bas de la main gauche, tout ioingnant la droite, comme se voidt icy representé.
9. A la deuxiesme portant la Pique en avant avec la main gauche, l’empoingnera, promptement en arriere, de la droite, pour la mettre ainsi proprement sur l’espaule.
10. Et a la troisiesme reprise portant la Pique platte sur l’espaule, il tiendra le bras droit sur haulsé. le poulce contre la Pique, pour ce que cela est (non seulement bien seant) mais aussi que par ce moyen il la peult mieux regir, & porter;
11. Comme il portera la pique debiais, a fin que (marchant en trouppe ferrée) on nes entre offense de la pointe. Es figure suyuantes se monstrera, comme portant la Pique platte, ou debiais, il la fault en trois temps laisser couler, quand on la veut presenter; ou baisser, passant une porte, ou aultrement, aussi comme il la fault planter en terre, en trois temps. Et la voulant mettre derechef sur l’espaule, fault (comme il est desia monstré) le faire en trois temps, mais si on porte la Pique droite, il la fault baisser, ou presenter en un seul temps, & de mesme la reportet droite.
12. A la premiere reprise de le maniememt, prendra la pique promptement, aussi avant quil pourra aveindre, ou toucher (estant debout ou ferme) de la main gauche, la levant de la droite egallement, de dessus l’espaule en hault, pour la presenter commodement la pointe en avant.
13. A la deuxieme reprise, ayant desia presenté la pointe de la pique en avant, il la prendra de la main droite, au bout d’embas, & ain si (avec commodite) la laissera couler de hault en bas, pour ainsi pouvoir passet par la porte.
