VOM SCHADTELHAU
Der schaitel dem antlicz ist gfar mit seiner kar der prust vast gfar, was von ym kumpt, die kron das ab nimpt schneidt durch die kron so prichstu sye vast schon, die stich trucke mit schnitten sy ab czucke
VON durch lauflen
Durch lauffen las hangen, mit deinem knopf greiff wildu ringen, wer gegen dir sterckt, durch lauffen da mit merck
Von sprechfenster
sprechuenster mache, stand frolich bsich sein sache, schlach in das er snabe, wer vor dir czeichet abe, ich sag dir fur war, sich schuczt kain man anefar, hastu mich vernumen, czu straich mag er nit kumen
Ain Stuck
Wan ainer vor dir leit imsprechfenster so greiff mit deinem knopf uber sein ghilcz czwishen seinen henden und greiff mit deim lincken daum auf sein ghulcz und zeuch an dich so plestu yn und schlechst yn da mit
Ain anders
Wan ainer ym sprechfenster leid so leg dich gleich also, wil er nit arbaiten stos yn mit deiner lincken handt an sein rechte handt das er sich wendt do mit endplestu yn
