Von verseczen
Vier findt verseczen,
die die leger leczen,
von verseczen huet dich,
geschicht dirs not es mnet[!] dich,
ob dir verseczt ist,
und wie das her kumen ist,
hor was ich rate,
reisz ab hau mit tratte,
secz an vier enden,
bleib dar auf ler wildu enden
DAS ander gleger wirdt gnandt hangendtort und ist zwifach
krump auff pehendt,
wirff dein ort auff die hend,
krump wer wol seczt,
mit schriten wil heu leczt
hau krump zn flechen
wildu die maister scwechen
wan es gliczt oben,
so stand ab das thu ich loben,
krump mit kurcz hau,
durch wexel da mit schau,
krump wer dich irret,
der edel krig dar aufuerfeuret
das erfur war
nicht waisz wo er ist anfar
Hangengtordt
Hangendort legert den rechten fues for als in der figur ist mit der flech unter das angesicht tretten kurcz und hoch verseczt was straich von dach gschlagen wirdt, kurcz ab lassen lauffen und lang nach treten mit dem straich
PRUCH
Treib von der rechten handt den rehten fues vor ligt er stil im hangendnort leg im die kurcz schneid an sein recht or so tar er nit zucken wo er aber zuckt so entplest er sich
Wider Pruch
Wan dir ainer die kurcz schneidt an den halsz legt verwendt dein hendt mit dem scwerdt und sper yn von oben mit der langen schneid, und greiff mit deiner lincken hand an sein knopf wirf yn auf die linck seitten uber sein schwert
Welcher lebt ycz auf erdt
Der von nyemancz gschendtwerdt
