This page needs to be proofread.
XXX r
versatzung ligen, und mit der stercke übertringen wollen. Also. Haw gleich mit ihm zu, den Entrüsthaw, nahe hinzu, In des greiff mit deiner lincken handt hinder seinen elnpogen außwendig, schieb ihn von dir uff sein lincke seiten, In des laß dein messer fallen, greiff mitt deiner rechten handt oder arm außwendig in seinn rechten kniebug, heb ihn uff und wirff ihn.
Ein anders zum Einlauffen.
Begreiff sein rechte handt mit deiner lincken innwendigs, heb sie wol uff, In des lauff mit dem haupt durch sein arm an seiner rechten seitten, und ruck ihm seinen rechten arm mit deinr lincken handt uff deine achsel, erheb dich, unnd brich ihm also den arm darüber.
Werffen.
