ter kling / Absetzen ist wann du aus der vier Legern eins / die Lang schneid gegen seinem Wehr gekehrt / vnd in das Langort verwendest / Also fúhrestu dein Wehr in der Vnderhůt zůr Rechten / vnd dein gegenpart hauwet oder sticht auff dich / so tritt von seiner Wehr beiseits auß / vnd fahr mit außgestrecktem Wehr vbersich / fúrsich in das Lang ort / vnd fang jhm also sein herkomenden stich oder hauw auff dein Lange schneid auff / in dem du jhm aber sein hauw also aufffangest / so stich zůgleich mit dem Langen ort fúr dir hin / das treib auß allen vier Legern.
Abschneiden.
TReib also / schick dich in die Vnderhůt zůr Rechten / vnd merck alda als bald dein gegenpart sein hand auffzeucht / gegen dir zů hauwen oder stechen / so erhebe zůgleich auch dein Wehr / vnd streck also dein hand sampt der Wehr von deiner Rechten gegen seiner Lincken auß / zůgleich sencke in solchem ausstrecken dein gefeß vndersich deinem Kni gleich / oder wo es dir múglich darunder / also das dein kling mit dem ort etwas fúrsich vbersich auff stande / entpfang jhm sein kling auff die Lang schneid / vnd fúhre jhm die schnits weiß gegen deiner Lincken vndersich vor dir / das gehet auch zů beiden seiten.
Dempffen.
DAs Dempffen wirt genomen auß dem Oberhauw / wie es dann an jhm selber nichts anders ist / mit welchem Oberhauw alle andere háuw gedempfft vnf gebrochen kónnen werden / auff nach geschriben weiß also / schicke dich in die Vnderhůt zůt Rechten / wann er dir als dann
