Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/199

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Ein exempel vnd stuck / wie du einen der sein Wehr im fechten hoch fúret / herab bringen / vnd oberhalb desselbigen zum Kopff oder Gesicht kommen solt.

Jm zůfechten tritt mit deinem rechten Fůß zu jhm / vnd stich jm vnderhalb seinem Dusacken gegen seinem Gesicht oder Brust zu / aller ding wie dich das ober vnd kleiner Bild / in der Figur(welche mit dem Bůchstaben K. verzeichnet ) lehret / als bald er dé stoß nach / den zůuersetzen (wie er dañ solchen wo er anders nicht Gesichte getroffen werdé will ) versetzé muß / herab fellet / so zucke deinen Dusacken wider zu ruck vmb den kopff vñ hauwe eben (in dem er mit seinem Dusacken herab fellet ) Oberhalb desselbigen vberzwerch durch sein Gesicht / demnach hauwe zum dritten gerad von Oben durch die auffrecht Lini / mit einem fernern zůtritt deines Rechten / also das du nach ende des Hauwes in lincken Wechsel kommesrt / von dañen fahr behend ausserhalb seines rechten Armes mit langer Schneid / vbersich gegen seiner wehr zur Versatzung / bind jhm also von Vnden an sein Dusacken / alda merck fleissig / als bald er von deinem Wehr abgehet / vñ den vbersich zeucht zuhauwen / so hauwe in dem er noch im vbersich z / ehen ist / hart neben seinem gehültz von Oben nider durch sein Gesicht / zu solchem Hauw soltu mit dem rechten Fůß also fürter vmb zu jhm tretten / damit du mit deinem Obern Leib dem Hauw nach wol fürsich nider gesenckt / vñ mit den Fússen weit von einand standest / so kanstu mit dem Dusacken dester ehe zur Versatzung wider auffkommen.

Wie du dem der sein Wehr zu nider fúhret begegnen solt.

Fuhret er aber sein Dusácké mit seiner Versatzung nemlich im Bogen niderig / also das du jhm Oberhalb seinem gehültz sein Angesicht wol ersehen vnd erlangen kanst / so tritt vnnd hauwe von deiner Rechté auß dem Stier oberhalb seiné gehültz vberzwerch durch sein Gesicht / als hart an seinem ge=