Page:MS Thott.290.2º 001r.jpg

Zorn ort der brust zu bort
zu baiden siten uber schiessen
wecker wil stan
triben strichen wil gan
In der rosen im rädlin
zuck die treffen git guote sinn
krump how dem muol zu
Im eyn flechten hab nit ruo
Im krieg so machstu griffen
ochß pflug darinn du nit wyche
Mit dem reiß ort schertz
Im schrack ort hab am hertz
Im ysen ort verwend
am biffler tuo fälen biß behend
E komen nach reissen ist der sitt
Schnellen uber louffen und den schnit
Daz ist ain gemaine lere
Daran dich kere
Daz tund die wysen
Die kunst kunden brysen
Wiltu dich kunst fräwen
So lern die toplirten höwe
wer nach gaut slechten höwen
Der mag sich kunst wenig fröwen
Auch so sind vier leger
Die soltu mercken eben
tuo darin nit starck vallen
oder er laut darüber schallen
wa man dir anbind wil
So wind die kurtzen schnid für