zu langen armen so prich im auf mit dem rechten arm̃ und ge ein weÿl mit im umb und geling so spring mit deinem rechten fus hinder seinen rechten fus und mit dem rechten elenbogen under sein rechtz(?) uchsen so wirfstu in auf den ruken daß get zu baid
Item die finff[!] zwirch treÿb also prich im auf mit deinem rechte~ arm und ge ein weÿl mit im um̃ und gehling so zuck in an dich und ge hoch auf mit deinem rechten arm oben uber sein rechten arm um̃ seinen ruck und trit mit dem rechten fuß hinder in und tauch in mit dem knie so wirfstu in auf den ruck und get
Item die sechst zwirch treÿb also prich im aus mit dem rechte~ arm und scheuß in starck vo~ dir und zuck in gelinge~ an dich und setz im dein rechten hand ausen auf sein rechtz knie und val im d mit der rechten achsel in seinen rechten arm und tauch in nider zu der erden so wirfstu in auf den rucken das get zu baÿde
Item die sibent zwirch treÿb also prich im aus mit deinem rechten arm und scheuß in starck vo~ dir und zuck in geling an dich und setz im dein rechten hand ausen auf sein rechtz knie und val im mit der rechten achsel in seinen rechten arm und
