in alem vor ringen vart der schnelikait und in alem mit ringen wart der wag und in alem nachringen wart der kniebige
ausgeschlagen mit der rechten hand und unden nider gefaren mit recht in die kniebig in seinen lincken fus die linck hand an sein linck seÿten zuck mit der rechten hand und stos oben mit der lincken so mus er valen~
Item greÿft einer durch die recht achsen mit mit der linck[en] hand so vas in hinden und zeuch und mit der lincken hand in sein linck kniebigen und wirf in zu ruck
Item aus geschlagen mit der rechten hand auf [getan?] mit seinem elenbogen far durch und er wisch in unwendig des rechten bainb[?] in der kniebig und zuch nider mit der lincken hand und heb in auf mit der rechten achsen und wirf in zu ruck
Item als vor ung greÿf auswendig in die kniebig under dich zu ruck zwir oder dreÿmal und uber das bain lasen valen in dem schwung
Item ob er dir zu schwer ist zuch dem haubt auf und wirf in von | dir nider
