Wann du im feldt leger stehest, so hab acht das du Im nit vor stoßes, sonnder Reitze In mit wechselln, bechenn, durch gehen, so bald Er stoßen so merck auff welcher seitten Er stest, stost Er dan auff deiner Lincken so sez im ab vnd spring Im absaz woll vnder Inn hinein mit dem stich Ittem stich Er zu deiner Rehten so wende den stich oder stos übersich ab vnd stich Im außen über sein stang zum gesicht ⁋
Er aber[1] nit so schwing denn Spies vnndersich Inn die dempfhutt, stost Er so schneidt ab oder dempff vnnd stich noch, so Er sich nit Reitzen will laßenn zu stoßenn so wechsell Im ferner durch schneidt Im ab Reis Im aus, wechsell vonn disem Inn Ein annder leger bis du Inn Reitzest aus seim fortheill ⁋
- ↑ Ceci fait suite à la page de gauche
