Inn disem Rapier fechten sindt gemelt 4 leger nemlich, Ochs, Eisen port, Wechsel zur Linck sampt dem Rechten wechsell welches auch die Rechten Nebenhutt ist oder genent windt ⁋
Ittem 2 hew Nemlich ein schlimen zornnhaw, Welches it der wechr streich der wirt versezt zu drej molen, Erstlich durchs gesicht, dornach durch die mitt des mans, zum dritten durch die fies, der annder ist der mittelhaw oder ein überzwerch haw vnnd hatt auch drej stich, durch welche Er gehawen wirdt Nemlich durchs gesicht, durch die mitt, vnnd durch die fies wie der schlime,
Ittem es werden auch gemeltt 2 stich der Erst ein gesicht stich der ander ein brust stich, Die 2 leger aber welche die fürnemen leger snidt In disem Rapir fechten Nemlich die beidt wechsel, die soll man lehrnen zusamen threiben mit dopel wechselnn wie Im dusacken des wechsell threiben gelertt ist Im 47 blatt ⁋
Denn andern wehsel mach also steh mit dem Rechten vor halt dem wechr neben deiner Rechten die spietz auff der Erdenn, vonn danen haw am wehr streich durch sein Rechten achel, so kumestu wüder wie vor neben deiner Rechten, Indes verwende dein wehr das die halb schneidt hindersich aus stett, Zeich ein mittelhaw durch sein gesicht, so kumestu wider auff dein Lincken, Indes verwend dein wechr neben deiner Lincken das dein halb schneidt hinder dür hinaus sichett, von damen haw Ein wechr streich durch sein Rechte vonn
