Ein gutter angrüff aus dem Stier ⁋
Merck so du im zufechtenn Inn stier kumest gegenn dem Lincken Zorn oder sonnst einem leger so hawe denn erstenn vonn deiner rechtenn vonn vnndenn krumpt, mit einem zu thritt durch seinn Lincke seittenn, Denn anndern auch von deiner rechtten vonn obenn das dein dusackenn vor deiner Linck ob dem haupt zum sturz vmb schüeße, Inndes hawe starck mit halber schneidt vonn deiner Linckenn vonn vnndenn durch die scheidell Linie vnnd ein Mittellchaw nach, oder thritt mit versazung zuu Im ⁋
Ittem wann du im stüer stehest so thrütt mit dem Rechtenn zu im verwende denn stüer us deiner rechttenn auff dein Lincke seittenn nim als dann vonn vnnden vonn deiner Lincken aus wie obenn gelertt ⁋
Begegnett dür einer nüder inn versazung so Rausch mit einem krumpthaw ober halb seiner versazung starck durch sein gesicht aus dem stier vonn deiner rechtenn, Denn anndernn hawe auh vonn deiner rechttenn durch sein Lincke zum gesicht, bis bechenndt wüder auff mit versazungt ⁋
Ein gutt stuck aus dem Stüer ⁋
