Verschiebenn ⁋
So du im Zornnhaw stehest hawet einer auff dich vonn obenn so far auff mit den armen, vnnd mit der clingen über den kopff, entpfache also denn streich auff die fleche der clingen, das heist verschiebenn ⁋
Henngenn ⁋
Henngenn ist mancherlej nemlich einhengen überhengen, Ittem stehe im pflueg, schlecht einer auff dich, so far auff mit denn armen, vnnd empfahe den streich auf die flech deiner clingen in dj sterck dz ist verhengen.
Verstülenn ⁋
Merck wann dier einer für kumpt mit behendem ablauffen verfieren verfliegenn das ich im nit woll bej kummen mag, so fall ich im mit dem schnit ann sein schwert oder arm domit ich im sein leuff vestelle das er nit woll Arbeitten kann folge als dann mit fieglichen arbeüt nach ⁋
Sperrenn ⁋
So einer in wechsell oder alber vor dier stett, fall im behendiglich mit langer schneidt darauff, Ittem so einer vor die auff streiht so sper in auch also mit auffsizen ⁋
Außreißenn ⁋
