Alia effigies
Manu sinistra hostis dextram adprehendito, atque abs te in latus sinistrum retorqueto. Post dextrum pedem ipsius item dextro postponas, dextram manum eius collo anterius adiicias, atque adversarium per femur pedis dextri praecipites.
Notabile
Si sublatis brachiis adversarius contra te procedit, tum sub brachio ipsius dextro lateris dextri transmittas caput tuum, ipsius pedem dextrum praecedas, atque dextrum brachium sub brachio ipsius itidem dextro transmittas ilia circundando. Post si te nonnihil demiseris in dextrum femur eum assumas, atque reiicias.
Quid agendum cum deiecto
Si quempiam prostraveris, tunc utroque genu pubem ipsius deiecti intra pedem utrunque urgebis, ambas manus corripito, gutturem etiam si volueris adversarii adprehendito. Inde si ex omni parte depresseris hostem captivum retinere licebit.
