Des soll jne Ein haubtman der zu jeder zeit jn der Bruderschafft jst zu Ainer Ergezung der Andacht von Einer jeden lesenden meß jars geben 4 ß Franckfurter werung . Auff das solch messen dester loblicher der Bruderschafft auff auch dester Erlicher vnd zu Rechter zeit geleßen werden.
. . . . . . .
Auch soll der Confent nach jars Confent vnd Closter gewonhait Auff vnser lieben Frawen tag Als sie geboren ward Ein meß jm Cor von vnser lieben Frawen. Auff den Nechsten Sontag daruor oder darnach von Sannt marxen vnd vnser lieben Frawen damit gedencken herlichen vnd zierlichen thun singen vnd damit Es dester Erlicher loblicher vnd zierlicher mit Allen seinen zugehörungen gleich Aim hochen Feste gehalten werden so soll Ein jeder haubtman der je zu zeiten jst geben 8 ß von Einer jeden wie jezt stet singenden messen /.
. . . . . . .
Jtt[em] dem Custor soll der haubtman wie vorgerurt Alle jaar geben 4 Englisch zu lone Die Kerzen anzu zinden, vnd das grab der Bruderschafft zuberaiten vnnd andere ding wes not were zu Andelogen /.
.
Jttem soll der gemelt haubtman geben alle jar 4 ß dennienern die der Bruderschafft kerzen tragen auff Sannct marie madlena tag Auch so Ain maÿster jn das Capittel der loblichen Bruderschafft vnser lieben Frawen vnd Sannct marxen Auffgenomen
