Item wen dir ainer zusticht mit dem degen so fal im oben nider mit deiner linckh handt in sein handt das er den vor dir stee vnd schlag mit deiner rechten handt vnden auff im in sein rechten fornen beÿ der handt so folget dir den degen vnd muß dir in lasen
Item wen ainer zu dir sticht zu dem leib vnden oder sünst an den glidern vnd hat dem degen gefast das die shaib da fornen steet an dem handen so thüe als ietz kompt
Item also bricht das /
hab dein linckhen handt vornemen an dich an den bauch vnd wen er vnden zu dir sticht so schlag in mit deiner linckhen handt oben auff sein rechten arm / vnd mit deinem rechten arm im vnden / durch seinen rechten arm außwendig auff sein rechten arm kom vnd drit zu im / vnd hab in for vnd brich im den arm vber dein linckhen achsel ab oder er muss fasen[!]
