![]() |
You are not currently logged in. Are you accessing the unsecure (http) portal? Click here to switch to the secure portal. |
Page:Reichsstadt "Schätze" Nr. 82 101r.jpg
mit wein. vnnd geuß es dem Roß Neün tag vnnd neinen nacht mit einander in den halß. wo wirdt es gesundt
Welliches Roß die kroten hab, dem gib drey tag nichts anders dann rugken kleiben. so wirdt es gesundt. ~
Welliches Roß räppig ist dem wasch die Rappen mit Kaltgossen laug. vnd mit harm. biß jm die rauden abfallen darnach nymb sauren taig. vnd pind jm den darauff drey tag. biß jm die rauden gar abfallen vnd nymb dann alts schmer vnd streich das offt daran. so wirdt es gesundt.
Welliches Roß das Mord nider schlecht. nymb das recht or vnd vnd [sic] muss das hernach der man vnd vor an dem orn spicz stich jm durch den halß mit einem messer. so wirdt es gestrud
Welliches Roß wilde flaisch gewint in wunden. vnnd jm stinckht. dem wirff grunspat auff das flaisch. vnd wasch jm die wunden mit wein da nesselsam ein gesäct ist.
Das merckh zu den Roßaugen, mach das zu pulluer, nym muschel die bey dem wasser liegen. die prenn auf glueend, kolen, vnd zeuch in die haut ab. aussen vnd jnnen vnd be. holt die Mutter die ist weiß. darnach nymb ein frische jn ber die gar weyß sey vnd galmey vnd prenn die auf koln vnd lesch sy dann mit wein. vnd thue das Neun stundt. darnach nymb ain Galiczen stain vnd weg die viere gelei[ch] vnd stoß sy zu pulluer. druch ein weiß tuch. vnd pind es zu den augen des Roß. als die guten schmid wol kund(en) so wirdt es gesundt,