This page needs to be proofread.
GARDE PREMIERE. AVEC LES PRIMES. En la première garde qui est basse il fault avoir l'espée à vostre droit : la pointe basse à demy pied près de terre, dressée à vostre milieu, devant vostre pied droit, s'il est devant car il se peut fayre ayant le pied gauche devant et faut tenir vos gardes d'espée à vostre droit à la hauteur de la fourche, tant avancée que recullée, et vostre poingnardt vers vostre gauche le pommeau à la hauteur de la ceinture. La pointe en montant vers vostre gauche, et ceste garde, est bonne contre garde seconde.
