Page:MS Bibl. 2465 103r.jpg

mercken kan, vnnd ob Im die federn Im dolchen schon gezeigt werden, dir doch noch fortheill gemacht send, das Er sie nit baldt greüffenn khann zum Erstenn soltu gut Achtung habenn, Ob dich dein gegen mann wolle behendt mit sterck über Eilen oder mit gewalt auff dich thringt, so soltu gernh thun das Er dich nit mit Ein donerschlag übereill, vnnd las Inn vorverthobenn, vnnd merck wenn Er dür Ein schlag thut das du Im den versezest zwischen dein beidt hendt, vnd schaw ob du im megest Annsetzenn

¶ Zum anndern hab Acht das dür nit angesezt weret, so dür Aber angesezt ist Ann dein linck so thrit mit dem lincken zu Ruck oder sez dein knopff auf dein brust vnnd Erlang der ortt, vnd sez Im auch ann, vnd thring von dür, Ittem wenn Er weitt vm sich ficht, so Reise Im nach mit dem ortt zur blöß, merck die blöße sindt dise, do man hin stehen oder Ansezen soll, das vüsier, vnnd vnnder die vhsen die knikel Inn die handt Ittem zwischenn die bein, Außwendig zum handtschuch hinein, vnd wo der harnasch gelenck hatt, Merck das du nit zu Einer weitern blöße greifest, so du Ein nahere blöße magst haben, zum letzstenn die finger Lösenn nemlich wo dich Einer Ergreiffe, so schaw das du Im Ein finger kanst