gering wegen durch Roms [!] wegen vnd machen dy kunst gemayn die sie kunnen oder wissen vnd darumb werden sie vnbehalten vor andern weyssen maystern vnd von Rittern vnd knechten Item wiltu das Ringen offen- ward machen oder yederman sehen lassen So thun Im Also Reit mit deyner Lincken an sein Rechte vnd greyff mit deyner Rechten handt sein Rechten arm vorn bey der handt vnd truck den fur dich vnd reit vmb / begreiff mit deyner Lincken handt an seynen Rechten elenpogen vnd stoß den von dir vnd mit der Rechten handt stoß seynen Rechten arm aber vber deinen Lincken arm gar wol vnd heb also mit deynem Lincken arm seynen Rechten arm vbersich auff vnd Also hastu In gevangen vnd gepruchen vnd magst In also halten wie lang du wilt das geth zu payden seytten zw
Den vorgriff merck / der bricht furpas sein sterck
Item merck das ist das du albeg solt furkumen ee wan er mit dem greyffen vnd Ringen die du wol vernomen hast vnd zuuoraus mit den vir haubt Ringen do lest er In mit zu keynen Ringen oder stucken kumen Das ist der schoffgriff der vngenant griff das sunnen zaygen vnd der verporgen griff vnd der vahes mit dem zaum soltu domit auch nit vergessen vnd wen du die Ringen wol kanst so mag dich hart niemant von dem Roß an schaden gewerffen
Et hic Est Finis
