Underhůt.
ZU deren schicke dich also / stand abermals mit dem Lincken fůß vor / vnd halt dein Spieß mit der Lincken hand auff deinem vorgesetzten kni / also das der vorder ort vbersich / dem man gegen seinem gesicht stande / fast auff solche form wie dir das grosser Bild im spit zů vorderst am Bůch vnder dem Tittel anzeigt.
Dempffhůt.
WAnn du mit dem Lincken fůß vorstehest / vnd deinen Spieß mit dem hindern ort inwendit an deinem Rechten schenckel ansetzt / auch mit außgestreckter Lincken hand / auff das weitest so dir immer múglich / in den Spieß stangen hinein griffen hast / also dau deinen Spieß in gewaltiger sterck in einem weiten stadnd / aller ding wie dir solches in Figur I. zůr Lincken hand fúrgemahlet / vor dir her fúhrest vnd haltest / so hastu es recht gemacht / kanst jhm also hierauß seine stangen vndersich dempffen / vnd auff halten nach deinem gefallen / darumb dann dise Hůt Dempffhůt geheissen vnd genant wirdt.
Von Stóssen wie du die frey fliegendt ins werck richten solt.
DIeweil aber von aller hand stossen / nach der lenge in stucken folgen wirt / wil ich dir allein den Ober vnd vnderstoß (wie die ins werck zů richten seind) anzeigen also. Fúhre deinen Spieß in der Oberhůt / aauff deiner Lincken achsel / davon hievor gelehrt / gibe also deinem Spieß vornen einen heimlichen schwung / vnnd trit vnder des mit deinem Lincken fůß furt / stoß also mit diesen fúrtrit (dieweil dein Spieß noch im vorigen schwung vbersich fleugt) fúr dir hin gegen seinem gesicht / also das deine beide arm nach ende des stoß / auff das weitest außgestreckt seyen / indes dieweil dein Spieß wider vnersich gegen der erden sinckt / soltu mit dem Lincké fůß noch ferner fúrttretten / vnd dein Spieß (ehe dann er volkommen zů der erden gesuncken ist) mit beyden henden wider zů dir ziehen / auch dein obern leib dem Spieß noch vndersich sencken / vnd denselbigen hiemit auff dem wol fúrsich gebogen kni in die Vnderhůt sincken lassen / also das der vorder ort demn man in sein gesicht stande.
