You are not currently logged in. Are you accessing the unsecure (http) portal? Click here to switch to the secure portal. |
Do you have permission to re-use this image? Just because scans appear on Wiktenauer does not mean that they are free to use. Wiktenauer is a 501(c)(3) nonprofit, and many of the scans we host are only licensed for nonprofit use. In other cases, the scans have no standard license and Wiktenauer has received special permission to host them (and can't grant that permission to anyone else). The license terms appear in the Copyright and License Terms box at the bottom of the page that sent you here. When in doubt, always check with the museum or library that owns a manuscript before publishing or otherwise reusing its scans. |
Page:Gründtliche Beschreibung der Kunst des Fechtens (Joachim Meÿer) 1570.pdf/416
schwerlich wider auff komen vnd sich erholen mag / ehe dann du jhn ereylet habest / Dises aber wirt in der Helleparten noch weiter durch Exempel ausgeführt werden.
Ein verfúher stuck.
JM zůfechten wann du mit einem angebunden hast / vnd keiner will von des andern Stangen abgehn / so stich jm mit ernsthafften geberden zů seinem fürgesetzten Fůß / damit blössestu dein gesicht / zů welchem er behendiglich her stossen wirt / als bald vnd in dem er dann herstost / so tritt du mit dem vordern Fůß zůr seiten aus / folge mit dem Rechten / vnd stoß jhm von vnden vberhalb seiner Stangen (in dem dieselbige zům stoß herfleugt) gegen seinem gesicht / vnd entzucke jhm auch hiemit deinen Kopff wol von seinem stoß hinder dein Stangen / so triffestu jhn (dieweil er noch hersticht) in sein gesicht / Oder wann du jhm zů seinem Fůß stóst oder schlechst / vnd er dieweil deinem gesicht zů stost / so schlage jhm sein herfliegenden stoß aus / vnd springe zůgleich in solchem ausschlagen zůr seiten aus seinem stoß / vnd stoß behend vnd eilents nach.
Wie du mit einer hand aussen vber seinen Lincken arm zů seinem gesicht stossen / mit dem hindern ort durchwinden / vnd zůr Rechten achsel schlagen solt.
HAstu einem vornen von deiner Lincken gegen seiner Rechten angebunden / er aber ligt still vnd arbeit nicht / so trit mit deinem hindersten Rechten Fůß auff dein Rechte seiten / vnd gehe hiemit auch mit deinem vordern ort hart an seiner Stangen vnden durch / vnnd stoß jhm behents vnd ohnversehens von deiner Rechten vber seinem Lincken arm zů seinem gesicht / im hin