auff solche weiß (wie du in der Figur B. an den kleinern bossen sihest) zů dir / vnnd Stich jhm wo du wilt.
Kreutzhut.
IM zůfechten halt deine hend kreutzweiß vor dir / die Recht vber die Lincke / also das dir dein Dolchen auff deinem rechten Arm lige / Sticht einer von Oben her / so spring im vnder seinen stich / vnd fahr gleich auch auff mit beiden armen / vnnd fang jhm den seinen hinder seinem Dolchen zwischen dein beide hend auff dein Dolchen klingen / vnd in dem sein hand auff die deine herfelt / so ergreiffe im die zůgleich mit verkehrter Lincker hand / Reib im die eilents vnnd mit gewalt von dir / vnd Stich im dieweil (du jhm also außreibest) mit deinem Dolchen oben nider in einem Riß durch / als dann nach dem er dir vnder des sein hand ausgerissen / vberzwerch durch seim gesicht vnd Arm nach.
Item Sticht dir einer von Oben / so vnderfahr im seinen Arm mit deinem zwerch Dolchen / auff deinem arm ligent / in dem du im also versetzest / so greiff behend gleich mit sein Rechte an / ruderdem aber dieweil du in mit deiner Lincken hand angreiffest / dieselbige weil fahr mit deinem Dolchen von seinem Arm hindersich zů ruck ab / vň fahr mit dem Knopff neben deiner rechten wider von vnden / vnd Reisse mit demselbigen starck vbersich zwischen seinen beiden Armen durch vnd Stich kurtz wider nider inwendig seinem arm zůr Brust.
Sticht dir einer von vnden / so falle mit dem zwerch Dolchen auff seinen Arm / vnd greiff im den gleich auch mit deiner Lincken an / vnd fahr In des mit deinem Knopff vberhalb seinem arm
