deinem Dusackenn auffzeucht zu einem andern streich gerad für dir hinin sein Gesicht / vnd wende vnder des gleich wol die Lange schneide gegen dem ort / von welchem du sihest das er wider herhauwen will / so bistu versetzt. Wann du jhm aber seine Háuwe nicht auffhalten kanst / dieweil er dir vileicht zu starck ist / vnd mit gewalt durch brechen wurde / so mercke in den sein Hauwe von deinem Dusacken durch / gegen der Erden verfellet / oder zur Seitten auft verfahren das du jhm (dieweil sein Dusacken noch also im durchfahren ist) auch gerade zu seinem Gesicht stechest / vnd solchen stich ehe dann sein Wehr volkomen zur erden verfallen ist / vollendest / Begegnet er dir aber mit verfúhrten Háuwen / so stich jm abermals / in dem er seinen Dusacken also herum von einé ort zum andern fúhret / gerad fúrsich auß dem Langenort / gegen seinem Gesichte oder seiner Brust / vnnd nim vnder des fleissig wahr / wo er mit seinem hauw herein fallen wólle / gegen demselbigen ort wende die Lange schneide mit dem gehültz vbersich / vnd bleibe vnder des mit deinem vordern ort gleichwol vor seiné Gesichte oder Brußt / als bald vñ so offt du demnach deine Gelegenheit ersihest / so lasse ein Hauw der nechsten Blósse zu fliegen / vnd ist das die rechte summa / vnd entliche meinungaller Bruch / Nemlich also offt zwen Háuw zusammen rieren oder binden / das du in dem sie noch im Band bochen / also an seinem Dusacken fúr dir hin stechest / vnangesehen wo sein Dusacken von dem deinen verfahre.
Diser Regel soltu in allen treffen wol wahr nemen vnd mercken / so wirstu einem jeden er Fechte auff dich was er wólle / leichtlich einbrechen / vnnd jhn mit seinen stucken von dir abtreiben kónnen.
Demnach so dir aber dein wider Fechter nicht hauwen wolte / vnd sich gleichwol also fúr dich Leger / auff das du jhm abermals nicht also vnbedacht zur Blósse hinein hauwen darffest / derhalben wil auch von nóten sein / das du auch alle Leger zubrechen / vnd wie du jhn darauß treiben sollest gůt wissens habest / nemlich also / Es Legere sich dein wider Fechter in was Hůt er wólle / so stich jhm gerade zu auß dem Langen ort sein Gesicht / von welcher Seitten er dir als dann deinen Stoß außschlecht / eben zu derselbigen Seitten hauwe jhm hinein / dauon dann hernach offtermals meldung beschehen wirt.
