FLUGEL Lesen.
Leger dich den rechten fusz for mit verkertem hangenden ort, streicht dir ainer offt von un, den zu deinem gsicht, trit und hau von unden unter sein recht vchsen und verker dein rechte handt mit vchsenschneiden, stosz in mit deiner lincken handt an sein rechte achsel, so musz er sich wenden und entplessen
PRUCH
Wan dir ainer under dein vchsen haudt und wil dir fligellesen, So greiff mit deinem messer uber fein rechte handt hinderm heft durch se in armm, und nim dein messer wider peim ort mit verkerter gschkranckter handt, und zeuch an dich so nimstu ym dasz messer
MESSER nemmen
Merck wan dir ainer zu schlecht dastu dich verfallen hast, so umfach sein tesacken mit dei nem armm und tring yn ubersich, wendt dich von ym, und nims uber dein lincke achsel.
PRUCH
Fal yn hinden an zv ringen widerpruch stich ym durch die pain zu den hoden
TOPEL STICH
Stich ym von oben zu seinem gsicht, dasz er deinen stich nit vach, den anderen trit und stich mit umkerter handt auch von oben darmit dv ain versaczung hast ym wegnemen lasz kurcz ab lauffen, so gwinstu ain gwissen strach
