quarte en l’estomac du costé droict, luy tirant par dessus l’espee.
Chap. 8
Estant en tierce, & ton ennemy en premiere je veux que tu luy portes ta tierce a son costé droict, sans le frapper, afin qu’il aye moyen de parer, alors tu leveras ton espee dessus la poincte de son pougnart, & allant en premiere tu le frapperas sur le pougnart.
Je puis encor vous enseigner de couvrir son espee du dedans, afin qu’il la retire & soudain porte luy une estoquade en l’estomac d’une quarte. Outre cela on peut par autre maniere assaillir ceste premiere ceste a scavoir, en faisant une feinte du dehors de son pougnart, afin qu’il pare, & alors tu luy donneras entre l’espee & le pougnart, une estoquade au fil de l’espee tornant le corps comme a la quarte escripte cy dessus.
