den Scheytler mit langer schneid / stich ihm unden zum gmecht.
V.
Auß dem Schilhaw. Thu ob du ihm zu der lincken seittenn über seinn schilt woltest stechen / und far mit deim ort unden durch stich innwendigs seins gsichts zum leib / Indes wind auff dein lincken seitten / weret ers / so nim sein recht beyn mit langer schneid.
VI.
Nim dein klingen zu deinem Bucklier / in dein lincke handt / wind gegen ihm / Hawet er oder sticht dir oben zu deim gesicht / oder unden nach deinem beyn / so laß dein rechte handt vom hefft und versetz ihm das mit schilt und schwert / und greiff mit deinr rechten handt auff sein rechte seitten nach seinem schilt / unnd faß den schilt wol undersich / und drehe ihn auff dein rechte seitten / so hastu ihm den schilt genommen &c.
Fechten im Tolchen odder Kaempfftegen / Siben merckliche Regeln.
I.
Sticht die einr von oben nider zu dem gsicht oder brust / so verfar mit deinem lincken arm / und greiff mit der lincken hand von innwendig aussen über seinen rechten arm / und truck ihn fast in dein lincke seitten / unnd stich ihn dann mitt deinem tolchen zu seinem angsicht.
II.
Thut er ob er dir zu deim gesicht wol stechen / und macht dir einen Fehler / und wil dich in die seitten stechen / So empfahe du den stich in deinen lincken arm / und wind dann mit deiner lincken
