mit guter sterck Vor setzst das er dich nicht slach vnd das du nach seine~ slag den ort an mügst wider recht an gesetzt Oder merck eben auf in wenn er tu°t ob er mit dem kloß dich slachen wolt vnd nicht schlüg vnd griff zu° ringen oder zu° hend stechen ~
Das ist der text
·:~Vor nach die zwaÿ dingk prüf weislich lere mit abspringk volg allen treffen den starcken wiltu sÿ effen wert er so zuck stich wert er Jü zu° Im ruck Aber lanck ficht so pistu kunstlich bericht
Glosa merck das ist das du in allen sachen albeg solt vor chumen es seÿ mit stichen mit schlegen mit ringen magstu aber nicht chumen dar zu° ee deñ dein feint so wart klugklich auf noch das sind die prüch auf alle sach die er ver maint vnd begert zu° tu°n vñ prich ÿe sein stuck Im noch ee ers vor pringt oder er gesigt dir an
·M·erck also wil er dich werfen vnd setzt dir ein schrãck so kum vor vnd wirf In zu° ruck swingt er dich vmb Im ringen so swing Im nach vnd würf in Im nach swang also geleicher weis wenn ir euch zerrett vmb ein swert paid vnd ein ÿeder es haben wolt ~
·M·erck wil er dich slachen zum kopf mit seine~ kloß mit dem vor So spring oder schreit oder trit klugklich ab dem slag
