Die Viert Huet
Nimb dein schwert unnder das recht ÿgsen, Unnd gee an den man mit ansetzen, unnd setz ime an, in das gsicht, ~Wert ers, so zuckh oder setz ime an die drossel, oder an die agsel Oder unnther die ygsen, und tring in also vor dir hin, und wenn du hast angesetzt, so laß in nit abkhumben, Und will er dann zu dir mit schlegen, Unnd mit dem knopf arbaitn, ~So volg im nach mit nachraisen, und laß in nit abkhumen, somag er weder schlahen noch stechen, Wenn er wirt im zu kurtz, das ist die kunst das Wisse.
ansetzen.
Merckh setztu in an sein linnckhe seittn, so trit ab mit dem linnckhen vues, Oder setztu im an die recht seitn so trit ab mit dem rechten fueß, Unnd lauf fur dich unnd druckh in auf ein seitten, ~ Unnd lesst er[1] dir die seittn, so stos in auf die hauben, Wiß das ist das chrannckhest am menschen.
Wider die ansetzn, in das gsicht oder wo das seÿ.
Stich im unnden in die hannt, die er hat furgesetzt, auf der clingen,
und fur in also aus dem krais,
Oder stich im ÿber sein vor,
- ↑ e corrected from d.
