Das annder Reissen;
Stich ime innwenndig zu seinem gesicht, unnd winnt aber mit dem knopf auf dein linkche seitn, von unnthen auf, ÿber sein clingen, zwischen seiner hant, reis aber vast an dich, unnd stich im aber zu seinem gemächt, ~Wert er dir das unnd vecht dir das schwert, und du das sein, das baide schwert gefangen seinn, ~So wirf dein schwert mit dem knopf, ime in sein rechte seitn, und sprinng mit deinem rechten bain hinter sein linnckhs, unnd nim den ruckh, unnd heb in denn eins zwerhen[!] fingers hoch vo der erden, und schlag in mit deinem rechten fues, auswenndig ane seinen rechten ennckhl, und wirf in auf sein rechte seittn. ~
