Von, vor, unnd nach
Text
Vor unnd nach die zwei dinng,
Preif weislickh lere mit absprinng.
Glosa.
Merckh das ist, das du, vor allen sachen solt wol Wissenn, das ·Vor·, unnd nach, ~Wenn aus denn zwaien dingn get alle kunnst zu Kampf, Unnd merckh das vor das ist, das du albeg solt vorkummen, ee dann er, Es sey mit dem stich oder mit dem schlag, so mues er dir versetzen, Unnd alsbalt als er mit der versatzung, oder sunnst an dein schwert pinnt, ~ So treib inndes dein Stuckh, behenntiglich, darnach als du brueffest, ob er waich oder her am schwert ist, ~So mag er zu kainem bruch kumen,
~Merckh, was das nach haisst
Das nach das ist der bruch, wider alle stuckh so er auf dich treibt, ~Vernimb also, Wenn er vorkummbt, mit dem stich, oder schlag ee
