Ab sichs vorwandelt ·
das swert keyn swerte wit wirt gehandelt /
Recht fasse dy sterke ·
taschenhawe du in süchen merke /
lere wol stark schoten ·
alle treffen ane var / mit nöten /
An setze ane vare ·
wer stroiff heng in zu dem hare /
Wiltu geruet ·
lang iagen sere müet /
wer das nü weret ·
zo wind das selbe awge vorseret /
Wert her das vörbas ·
vach den zawm weze nicht las /
Bedenke dy bloßen ·
suche messer nicht warte klößen /
In aller were ·
deyn ort / keyn der bloßen kere /
Zwene striche lere ·
mit lerer hant keyn der were /
Der schofgriff / weret · alle griffe vndern awgen veret /
¶ Auch merke dy seiten ·
do du of vorteil gerest reiten /
Wer of dich wil hawen ·
vorsetzen saltu dich frawen /
Vnd vinden snete ·
hinden vnd vorne stich sere mete /
Dornoch abehawe ·
zawm hant / recht beyn zonder drawe /
Wen du erst windest ·
ruche ansetzen / etwas du vindest
¶ wer of dich synnet ·
vnd synt swert zu durchrynnen gewynnet /
An zweiuel wint an ·
wiltu keynen schaden von im han /
Dy link seite merke ·
deyn erbeit auch mete sterke /
winden vorsetzt ·
swert lang / los hangen zo ist her geletzt /
Dornoch in blende ·
der dich mit vorsetzen wil schenden /
Ane sorge nym war ·
var im balde vnder arm dar /
Recht lang los hangen ·
das lobe ich ganz wiltu rangen /
Drük vast mit stössen · vom zawm / süche messer reme der blossen /
¶ Übe dy kunst zu vorne ·
in schimpf · zo gedenkstu ir in zorne /
