soltu dich frauen
wenn du hast versetzt
so sein all sein hau geletzt
so findestu
schnidt
hindenn unnd vorn mit
darnach in abhau
Zaum linck pain sunder
im drau
[D]as sein die stuck mit der Glefen
[I]tem renn mit im gleich ein mit der glefenn unnd ste auf von dem linckn arm.
[S]etz ab kurtz mit paÿdem hennden mit der glefen.
[S]o dir einer außschlecht die glefenn mit dem schwert so stos in mit der glefenn mit dem hindern theill zu den hoden oder far im mit dem arm in sein arm und nim im sein schwert.
Schwert gegn schwertt
[L]eg dein schwert auf denn linckn arm unnd wenn Jäner auf dich haut so ste auff hau hant linck zaum pein ab.
[S]te auf mit dem schwert unnd nim im sein schwert.
[G]ee auf mit deinem knopf unnd hau im zu dem kopf domit prich glefen und alle werr.
[W]enn du im zum kopf schlechst unnd er dir versetzt so henng wol aus deinem rechtenn arm wirff oder stich im in sein arm.
