Hie hebt sich nu an das fechten czu Rosse in harnüsche / mit sper vnd swerte etc
JVng / Ritter lere ·
got lib haben frawen io ere /
So wechst deyn ere ·
vebe ritterschaft vnd lere ·
kunst / dy dich cziret ·
vnd in krigen etc
ut supra In paeambulo etc
DEyn sper berichte ·
kegen reiten mache czu nichte /
Vnd vor an wisse ·
dyn roz das gorte gewisse /
Du salt wol merken ·
dy glefney bederben mit sterke /
Wiltu czu / rynnen ·
zo fasse den czam lang mit synnen /
·Dornoch zo streiche ·
dy glefney czwer oeber eyn seite /
So merk dy seiten ·
zo du mit kunst gerest streiten /
Haw dreyn nicht czücke ·
von scheiden / link czu im rücke /
So reit mit synnen ·
zo du abesetczen ruchest gewynnen ·
Wiltu abesetczen ·
vnd brechen / syne kunst do mete letczen /
Dy glefney czu vorne ·
rücke dor vnder vnd nym sy ane czorne /
Hoch an du setcze · swenke durchfar wiltu in letczen /
·greif im seyn rechte ·
zo vestu in ane fechten /
·begreif seyn were · mit dem ros dich vmbekere /
Och magstu rangen ·
wen du in hast vmbevangen /
Wiltu aber vorflien ·
zo schicke deyn pfert czu vmbeczihen /
Dornoch abesetcze ·
mit winden in sere letcze /
aber schicke dich vmbe ·
daz du sitzt ynder krümbe /
