Page:Reichsstadt "Schätze" Nr. 82 018v.jpg

Ander weit ker vmb so dir Ross hin hurtten,

Im der nch vach die hand, verker sein antlicz do sein nackh ist,

Die wöhr vach jm der weit Im dem wider raiten

Jagstu linckh so fall auf schwerts Clos, stoß vnder augen,

Jag zu der rechten hand mit jren kunsten

Secz an den ort gegen dem gesicht,

Schut gegen allen treffen die jmmer merkch

Die sterch jm dem anheben dar jm du dich recht schickh

Das ist nun der sper lauf der dem andern begegnet vnder augen,

Der vngenant griff wer nymbt oder felt jn,

Ob man dich jagt von baiden seiten, ker umb linkh so er recht kunst

Der messer nemmen vnd behalten gedenckh,

Vbergriff wer dich anfellt, oder thue jm vnderreittens

Wilt du anfassen, neben raiten nicht soltu lassen, das zum len &c

Werr dir das remt &c druck arm zu haubt, der grif oft selten beraubt.

Fechten Im Harnasch zu fussen

Wer aber synnet
fechtens zu fuß begynnet,
der schickh sein sper
[g?]waisten an anheben recht wert
sper vnd