[W]enn du im wild zur lincken seitenn reyttenn soltu im auch starck an das schwert binden und warten ob du im magst angesetzen domit zwingstu in das du wol magst kumen zu andern stuckn
das lert dich die zwentzigst figur die spricht also ·(·Schut gegen allen treffenn die Immer werdenn·)·
Merck das nochgeschriben stuck
[W]enn du im zu der linckn zu reÿtest so hau im starck ein Und scheus im den ort zu dem gesicht vorsetzt er oder sticht mit dir geleÿchm[!] ee wan er gar an dich kumpt so var mit dem lincken arm inwendig auff uber sein swert und druck es also mit dem arm in dein lincke seÿtenn unnd reÿt furdich so nimpstu im sein swert
das lert die sechzehent figur die spricht also (·Die wer vach in der weit in dem widerreittenn·)·
36
