Text von dem verporgn ringn
[W]iltu aber dich massen
des vahens liecht von
dir lassen
ringens den fure
gefangn hin
ane schnure
Glosa
[D]as ist ein verporgens ringenn zu roß und hat nicht namen als die andern ringn haben das sol man an das licht nit lassen kumen noch yden man sehn lassen ∻
Das treib also
[W]enn du mit im zu samen reÿtest so wart das du im kumpst mit deiner linckn seÿtn an sein rechte unnd begraiff mit der rechten hant sein rechte unnd ruck die fur dich unnd mit der lincken hant begreiff sein rechten elenbogen und stos den ubersich und peug im mit der rechtn hant sein rechten arm gar woll oben uber deinenn linckn und heb mit dem lincken arm ubersich also ist er gefangen an alle pant und magst in also füren wo du hin wild oder denn arm prechn.
