Bruch widers durchgeen ~
Wenn dir einr mit dem haubt, durch den arm farn will unnd wil dich yber sein rucken werffen, so fach in mit deinem selben arm oder ÿgsn pai dem kopf, oder hals, und druckh in vast zu dir, und leg dich mit der bruste oben auf in, und schwer dich wider.
ein ringen
Ob dich einr hintn begreiff wenn du im hast den rucken gewennt, und het dich gefasst in sein arm und oben yber sein arm, so buckh dich behenndickhlich vir dich und wirf in oben yber das haubt, in selchm magst in auch mit einr hannt bey einem bain fassen nidn.
fasst dich einr beym Glolter·[!]
Ob dich einer vorn bey dem gotter fast, mit einer hannt und helt dich vest, so wennt dich unnden durch sein arm, mit dem haubt so lest er dich, Oder treib das abnemen Wie du in erstn tail vom ringen gemalt sichst am .3. plat.
