Bruch..
Nimb des arms war, unnd raid umb, Unnd treib den armpruch.
Wenn du versetzt, so far ÿber mit der hannthab, ÿber sein vor gesetzte hannthab, unnd zeuch zu dir, unnd prich unnd setz an,
~ Oder wechsl durch, unnd setz ab mit dem klos.
Also prich das.
Nimb des clos war, mit der linckhen hannt, Unnd stos ime das schwert hinnter ruckh, und stich unden ~ zu den hodenn ~
Die drit huet.
Nimb das schwert in bede hennt, Unnd stee in dem gehenng, beÿ der rechten seittn, also das der linckh vues vorstee, Unnd wenn er auf dich sticht, Oder will dir schlahen, mit dem glos, oder will dir ansetzen, ~ So stich im zu seinr vor gesatztn hannt.
