Die erst hut
Nimb das schwert inn bed hennt, unnd schut das krefftiglich, unnd kumb in den hanngennden ort, zu dein rechten or, unnd stich im zu dem gesicht, unnd setz im an in das gesicht oder wo das ist, Wert ers so zuckh unnd gee durch, mit dem stich, unnd gee durch setz im an als vor, Unnd wenn du im hast anngesetzt, so schlag dein schwert unnter dein rechts ÿgsen, unnd dring in also vor dir hin.
Ein anders stuckh.
Stich ime zu als vor, Wert erß mit dem vordern ort, fur seinr lincken hannt, Unnd setzt ab, So vall ÿm mit der linnckhen hannt in sein schwert pei dem ort, unnd weis im den stich ab, unnd stich im mit der rechten hannt kreffiglich zu den hoden, Wirt er des stichs gewar, unnd felt dir auch in das schwert, so wirf dein schwert im fur die fues, und begreif im den selben arm unnd brich ime den.
Hernach runderfet[!]
