seÿten vnd stich in mit deinem degen zů seinem gesicht
Item ain ander stůckh thůet er als ob er oben nach dem gesicht oder brůst wele stech so far mit deinem linckhen arm aůff vnd greiff mit deiner linckhen fa handt von im inwendig aůsen vber sein rechten arm vnd drůckh in fast aůff die linckhen seite~ vnd stich in mit deinem degen zů seinem gesicht
Item ein ander stůckh thůet er als ob er dir zů dem gesicht welle stechen vnd mach[t] dir ain feller vnd wil dich in die seiten stechen so faß dem stich in deinen linckh~ arm vnd wend dan mit deiner linckhen von vnden aůff vber sein rechten handt vnd drůckh fast an sein brůst vnd stich in zů dem gesicht mit dem degen
Item das drit stůckh hast er den degen gefast das die schaib beÿ d seinen daůmen ist vnd stat vnd sticht er dir oben zů dem gesicht so far mit deiner glinckhen handt von vnden aůff inwendig seinens rechtens arms vnd aůsen vber sein recht handt vnd faß im die handt mit dem degen so bistů maister
Item das viert stuckh hat er den degen gefast das die scheib beÿ dem degen stet vnd sticht zů dir zů der seiten oder zů den gmachten so far mit deiner linckhen handt oben nider vnd stich mit deinem degen vmb sein recht handt vbersich vnd heb vnd drůckh fast an dein brůst vnd schweng dich vor im aůff dein rechte seiten vmb so felt er nider
Item das fünfft stůckh / hat er den degen gefast das der scheib aůff dem klainen fingerln stee / vnd sticht dir oben nider so faß dů deinem degen aůch also sticht er dan von vnden aůff von deiner linckhen seiten gegen seiner seiten so stich dů vber sein rechten handt / vnd greiff mit deiner linckhen vnd rechten hand an den degen vnd drůckh den arm fast zůsamen vndersich / das ist beschliesen gůet
