Page:MS E.1939.65.354 197r.jpg

oder zů der brůst so var mit deinem lincken arm aůf vnd greÿf mit deiner glincken hand vō in wendig aůsen vber sein rechten arm~ vnd trůck in fast aůf die linck seÿten vnd stich in mit deinem degen zů seinem gesicht

---

Item ein ander stůck

thůt er als ob er dir zů dem gesicht wele stechen vnd macht dir ein feler vnd wil dich in die seÿten stechen so fas den stich in deinen lincken arm vnd wind dan mit deiner lincken hand vō vnden aůf vber sein rechten hand vnd trůck fast an sein brůst vnd stich in mit dem degen zů dem gesicht

---

Item das drit stůck

hat er den degen gefast das die scheÿb beÿ seinem daůmen ist vnd stat vnd sticht er dir oben zů dem gesicht so far mit deinen glincken hand vō vnden auf inwendig seines rechten arm~s vnd aůsen vber sein recht hand vnd vas im die hend mit dem degen so bistů maister

---

Item das vierd stůck

hat er den degen gefast das die scheÿb beÿ dem damen stat vnd sticht dir zů der seÿten oder zů den gmecht so far mit deines lincken hand oben nider vnd stich mit deinem tegen vmb sein recht hand vber sich vnd heb vnd