DIMICATIONES PEDESTRes ubi athletæ ensibus longis utuntur, et armis
ENSEM dextra in capulo contineas, atque sinistra medium, inde in conspectum aduersarij prope concedas, & eam ob causam cogetur uel ferire uel pungere, tu autem in primis curato, ut præuemias, animo forti et loeto hostem adgreditor, semperque prope consistas.
INTERNE faciem hostis adpetito mucrone, id si is destreuere conetur, eum statim transmittas, atque externè mucronem uisui ipsius adponas, cum etiam eum habitum repellat, et mucronem reijciat, tum conuerso nodo ensis tui super aduersarij dextrum humerum, dextro pede per sinistrum hostis transilias, et inde supinum sternas.
SI quispiam collo tuo nodum ensis adiunxerit, tuum sinistram manum ab infernè sursum intra aduersarij brachium utrunque subleues, atque inde in latus dextrum tuum si te conuerteris, per coxam hostem præcipites.
ITEM si aduersarius collo tuo nodum ensis sui inijcere conabitur, tum sinistra porrecta, capulum retro dextram ipsium manum corripito, eumque correptum subtrahito deorsum, inde uero ensis mucronem, ubicumque uolueris, hosti adplices
SIN autem is tuum corripuerit nodum, tunc nodum torqueas tuum
