TERCIA REGVLA.
CVM aduersarius pugionem ita contineat, ut lamina pugionis pollici sit adiunctus, nec non supernè uisum adpetere conetur, tunc ab infernè manu sinistra sursum directa intra brachium dextrum aduersarij, externè autem supra manum ipsius dextram, atque manum eandem pugionem tenentem axilla tua sinistra captiuabis, pòst autem pugionem tuum illius corpori adponito.
QVARTA.
ITEM si aduersarius pugionem rursus corripuerit lamina rotunda iuxta pollicem consistente, atque latus tuum pungere uel pubem conetur, manum sinistram è supernè deorsum demittas, inde autem pugione, sub manum ipsius dextram deorsum pungas, dextra autem manu attollas, atque si pectori tuo adpreßeris, in dextrum latus tuum te statim conferas.
QVINTA.
QVVM aduersarius ea ratione pugionem adprehenderit, ut lamina ipsius iuxta digitum auricularem consistat, atque è supernè deorsum pungat, tu correpto tuo itidem pugione, ab inferne lateris sinistri
