·Ⅱ·
Hat er dich gefast bey den armen, unnd du in wider, als vor, so vall, mit deinem rechten arm ÿber sein denncke hannt, unnd kumb, mit deinnr dennckhen hannt deinr rechtn zu hilf unnd schwing dich, von im auf dein dencke seitn.
·Ⅲ·
Hat er dich gefast, als vor bey den armen, Unnd du in wider so dracht, das die dennckh hannt inwenndig seinns rechten arms, sey, unnd dein rechte auswenndig seins dennckenn arms, So stos mit deiner rechtn hannt von unnden auf in sein dennckhe hannt, ÿber dein rechte achsl, unnd sprinng mit deim rechtn bain fur sein dennckhs, unnd kumb mit deinr denckhen deinr rechten hannt zu hilf, unnd swing dich von im auf deni[!] lincke seitn.
wie hernach gemalt.
