Hie hebt sich an Mayster Andres Lintzingers ringen.
·Ⅰ·
Das erst Rinngen, hat er dich bey den armmen gefasst, unnd du in wider, so dracht das du mit deiner linncken hannt innwenndig seinns rechtn arms bist, Unnd mit der rechtn hannt, auswenndig seins lincken arms seist, Hat er dich dann los, So greif vor mit deinr lincken auf sein linckhe hannt, Unnd begreif in bey den fingern, Unnd brich die auf dein lincke seitn, so nimbst im das gewicht.
hie gemalt.
