Hie heben sich an die Rinngen. So Maister Ott (Wellicher[1] der löblichen :Fürsten von Österreich Ringer gewesen) gesetzt. dem gott genadig ···...···
~ Die ersten ~
In allen rinngen sollen sein, dreu ding, daß erst ist kunst, Daß ander ist schneligkeit, Daß drit ist rechter anlegunng, der sterckh Darumb merckh, das besst ist schneligkeit, die lest nit zu bruch kummen, Darnach soltu mercken, das man allen kranncken soll vor rinngen, Unnd allen gleichen soll man mit rinngenn, Unnd allen starcken soll mann nachrinngen, ~: Unnd in allen vor rinngen wart der schnelligkeit: · In allenn mitrinngen wart der wag: ~ Unnd in allen nachrinngen wart der kniebug.
.· Ein ler .
Wenn du mit einnem rinngen willt, aus den armen, so gedennckh albeg das du in fasst, mit deinner linncken hant in der mauß, seinns rechten arms, ~ Unnd mit der rechten hannt faß in auswenndig seins linncken arms,
unnd mit der linncken hannt (die du in der maus hast,
- ↑ ll corrected from u.
