Prich aus dem schlissl, mit leren hennden.
Sticht dir einer oben zu mit dem degen, so verkerr deinn rechte hannt, Unnd vach seinen rechten arm, vor beÿ den hannt, Unnd raid im den arm umb und mit der linnckhen nimb ime das gewicht, peÿ dem elbogen, unnd dieweil du im dz gewicht nimbst, So stoß mit deiner rechten hannt, seinen Rechten arm oben ÿber deinn linnckhen, Unnd heb mit dem linnckhen arm seinen rechten Ÿbersich auf so hastu in gefanngen, Und magst Neben im essen Umd[!] trinckhen, dz er von dir nit Mag khummen.
