Text
Wiltu kunst schauen,
seÿ linck und recht mit hawen,
und linck mit rechten,
ist das du gerecht, und starck
wilt fechtn.
Merckh das ist die erst kunnst des lanngen schwerts, Das du vor allenn dinngen, die hew sollt lerrnnen gerecht hauen, ist das du annders starck vechtenn wilt, Unnd das vernim also, Wen du mit dem linckn fues vor steest, unnd hawst von dainer rechtenn seytenn, volgstu dann dem haw nicht nach, mit deinem Zutrit, deins rechtn fueß, so ist der hau falsch, unnd ungerecht, Wenn dein rechte seit pleybt da hindenn, dar umb wirt der haw zu kurtz, unnd mag seinenn seinenn rechtenn gangk zu der andern seytenn, vor dem linckenn fues unndersich nicht gehabenn,
also das widerspill, vonn der linncken seitn, Auch soll albeg hau unnd trit miteinannder gleich geschehen.
Text einr ler
